ინფორმაცია On.ge-ს შინაგან საქმეთა სამინისტროში დაუდასტურეს.

რატომ არის მნიშვნელოვანი: დაშავებულები საავადმყოფოში გადაიყვანეს.

  • როგორც ხეჩინაშვილის კლინიკაში On,ge-ს უთხრეს, 2 მოზარდი კლინიკაში "შოკით არიან შეყვანილი".
  • მომხდარზე გამოძიება სისხლის სამართლის კოდექსი 240-ე პრიმა მუხლით დაიწყო, რაც ელექტრო, ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევას გულისხმობს.

დეტალები: ფორმულას ინფორმაციით, ბავშვები შადრევანში ბურთის ამოსაღებად ჩავიდნენ.

  • თბილისის მერმა, კახა კალაძემ ჟურნალისტებს უთხრა, რომ ფაქტის შესახებ მოიკითხავს.
  • "ცხადია, რა თმა უნდა, ყველაფერი უნდა იყოს გათვალისწინებული. ეს მოეთხოვება შესაბამის კომპანიებს, ვინც მუშაობდა", — ამბობს მერი.

ვაკის პარკში გუშინ, 12 ოქტომბერს მცირე კასკადისა და მრგვალი შადრევნის რეაბილიტაცია დასრულდა.

  • მერიის ცნობით, მცირე კასკადისა და მრგვალი შადრევნის სარეაბილიტაციო სამუშაოების ღირებულება 6 500 000 ლარია. ჯამში, ვაკის პარკის განახლების პროექტი, გამწვანებისა და ინფრასტრუქტურული სამუშაოების ჩათვლით, 33 000 000 ლარს შეადგენს.