საავტომობილო გზების დეპარტამენტის ინფორმაციით, გაწმენდითი სამუშაოების შედეგად აჩხოთი-სნო-ახალციხე-ჯუთას საავტომობილო გზის მე-18-ე კილომეტრზე ყველა სახის ავტოტრანსპორტისათვის გადაადგილება თავისუფალია.

დეპარტამენტის ცნობით, გაწმენდითი სამუშაოები მთელი ღამის განმავლობაში მიმდინარეობდა.

გუშინ, 21 მაისს, აღნიშნულ საავტომობილო გზაზე ჩამოვიდა მეწყერი, რამაც გზის სავალი ნაწილი ჩაკეტა.