გარემოს ეროვნული სააგენტოს ინფორმაციით, 3 სექტემბრამდე საქართველოში შენარჩუნებული იქნება ცხელი და უმეტესად უნალექო ამინდი.

რატომ არის მნიშვნელოვანი: სააგენტო მიუთითებს, რომ არსებული და მოსალოდნელი ჰაერის მაღალი ტემპერატურა და გამომშრალი ნიადაგი კვლავ რჩება ხანძრის გაჩენის ხელშემწყობ ფაქტორებად.

დეტალები: მათი პროგნოზის თანახმად, ჰაერის ტემპერატურამ დაბლობში, ბარსა და მთიან რეგიონების ცალკეულ რაიონში, შესაძლოა, 38,40 გრადუსს მიაღწიოს.

ხანძრები: ბოლო დღეების განმავლობაში ხანძარი რამდენიმე ადგილას გაჩნდა. მათ შორის, ყველაზე მასშტაბური ბორჯომის ხეობაში.

  • ხანძრის კერები იყო ავჭალაში, სამგორში, შავნაბადასა და დიდუბეშიც.
  • საგანგებო სიტუაციების მართვის სამსახურმა მოსახლეობას არაერთხელ მოუწოდა, გამოიჩინონ ყურადღება და ხანძრების პრევენციისთვის, ტყის ან ველის სიახლოვეს ცეცხლი არ დაანთონ.
  • ასევე, არ დაყარონ საყოფაცხოვრებო ნივთები, რამაც, შესაძლოა, ხანძრის გავრცელებას შეუწყოს ხელი.