მოქალაქეები ავრცელებენ შორი მანძილიდან გადაღებულ კადრებს და ამბობენ, რომ ხანძარი დიღომშია, თუმცა On.ge-ის ინფორმაციით, დიდუბეში გორგიას ერთ-ერთი გარე საწყობი იწვის.

დეტალები: როგორც საგანგებო სიტუაციების სამსხურში განაცხადეს, ადგილზე მუშაობენ მეხანძრე-მაშველები.

  • დამატებითი ინფორმაცია ამ ეტაპზე უცნობია.

რატომ არის მნიშვნელოვანი: ბოლო დღეების განმავლობაში ხანძარი რამდენიმე ადგილას გაჩნდა. მათ შორის, ყველაზე მაშტაბური ბორჯომის ხეობაში.

  • მხოლოდ დღეს თბილისში ეს უკვე მეოთხე კერაა — ხანძარი იყო ავჭალაში, სამგორს და შავნაბადას ტერიტორიაზე.
  • უწყებამ არაერთხელ მოუწოდა მოსახლეობას გამოიჩინონ ყურადღება და ხანძრების პრევენციისთვის, ტყის ან ველის სიახლოვეს ცეცხლი არ დაანთონ.
  • ასევე, არ დაყარონ საყოფაცხოვრებო ნივთები, რამაც, შესაძლოა, ხანძრის გავრცელებას შეუწყოს ხელი.

უწყებაში ამბობენ, რომ დღეის მონაცმებით, ბორჯომში ხანძრის ქრობის პროცესი დასკვნით ეტაპზე გადავიდა.

  • შსს-ს განცხადებით, მუშავდება ცეცხლის დარჩენილი რამდენიმე მცირე მასშტაბის აქტიური და მხრჩოლავი კერა.