პროექტი No Borderland იწვევს ხელოვანებს საქართველოდან, აზერბაიჯანიდან და სომხეთიდან ორკვირიან პროექტში მონაწილეობის მისაღებად. პროექტის ფარგლებში მონაწილეებს საშუალება ექნებათ მეზობელი ქვეყნის წარმომადგენლებთან ერთად დაესწრონ შემეცნებით ტრენინგებს, სამუშაო ჯგუფებში გაუზიარონ ერთმანეთს გამოცდილება და შექმნან საბოლოო ხელოვნების ნიმუში, რომელიც გამოიფინება მონაწილე ქვეყნების შემოქმედებით სივრცეებში.

პროექტში მონაწილეობა შეუძლია ხელოვნების სფეროსთან დაკავშირებულ ნებისმიერ მსურველს. თუ ხართ ფოტოგრაფი, მუსიკოსი, მხატვარი, დიზაინერი ან გაქვთ ხელოვნების სხვა მედიუმში მუშაობის გამოცდილება, შეავსეთ აპლიკაცია და გამოგვიგზავნეთ თქვენი CV პორტფოლიოსთან ერთად 4 აგვისტომდე.

პროექტი გასტანს 22 აგვისტოდან 31 აგვისტოს ჩათვლით. მასში მონაწილეობის მიღება სრულიად უფასოა. პროექტის პირველი ნაწილი ჩატარდება ანანურში და ექნება ტრენინგის ფორმატი. შემდეგ ეტაპზე მონაწილეები გადაინაცვლებენ წყალტუბოში, სადაც ერთობლივად იმუშავებენ საბოლოო ხელოვნების ნიმუშზე.