ნეტფლიქსის ერთ-ერთი ყველაზე პოპულარული თინეიჯერული სერიალი Never Have I Ever მესამე სეზონით ბრუნდება. დევი, ფაბიოლა, ელეანორი, პაქსტონი და ბენი ჩვენს საყვარელ ძველ და საინტერესო ახალ პერსონაჟებთან ერთად დაუვიწყარ თავგადასავლებს გვპირდებიან.

ტრეილერის მიხედვით, დევი და პაქსტონი ერთად არიან, თუმცა დევის პრობლემები შეყვარებულის გაჩენით არ სრულდება. დევი მთელი სკოლის ყურადღების ცენტრში ექცევა და თავდაჯერებულობას კარგავს. როგორც ტრეილერში ვხედავთ, შესაძლოა, პაქსტონს კიდევ ერთი კონკურენტიც გამოუჩნდეს.

სერიალის მესამე სეზონი 12 აგვისტოს გამოვა.

Never Have I Ever-ის თანაავტორები მინდი კალინგი და ლანგ ფიშერი არიან, ეს უკანასკნელი კი შოუს სცენარისტი და აღმასრულებელი პროდიუსერიცაა. სერიალი თანამედროვე ინდოელი ამერიკელი თინეიჯერი გოგოს, დევი ვიშვაკუმარის ისტორიას გვიყვება, რომლის ფეთქებადი ხასიათი პერსონაჟებს უამრავ ხათაბალაში ხვევს.