2022 წლის ივნისში უცხო ქვეყნის რეზიდენტებმა საქართველოში 387 781 ვიზიტი განახორციელეს. უცხოური ვიზიტების რაოდენობა წლიურ ჭრილში 164%-ით არის გაზრდილი.

დეტალები: ივნისში ყველაზე მეტი ვიზიტორი მეზობელი ქვეყნებიდან შემოვიდა. ასეთია იმ ქვეყნების ჩამონათვალი, რომელთა მოქალაქეებმაც საქართველოში ყველაზე მეტი ვიზიტი განახორციელეს:

  • რუსეთი — 90 239 ვიზიტი, წლიური ზრდა — 502,9%;
  • თურქეთი — 62 192 ვიზიტი, წლიური ზრდა — 110,1%;
  • სომხეთი — 61 974 ვიზიტი, წლიური ზრდა — 364,5%;
  • საქართველო (არარეზიდენტი) — 22 143 ვიზიტი, წლიური ზრდა — 103,8%;
  • ისრაელი — 20 555 ვიზიტი, წლიური ზრდა — 29,8%.

გარდა ამისა, ივნისში საქართველოში ჩამოვიდნენ უკრაინის (15 273 ვიზიტი), ყაზახეთის (14 368 ვიზიტი), აზერბაიჯანის (13 067 ვიზიტი), ბელარუსის (12 284 ვიზიტი), საუდის არაბეთისა (10 372 ვიზიტი) და სხვა ქვეყნების მოქალაქეები.

რიცხვებში: ჯამში, 2022 წლის ექვს თვეში უცხოელმა ვიზიტორებმა საქართველოში 1 439 517 ვიზიტი განახორციელეს, რაც წლიურად 210%-იან ზრდას ნიშნავს.

  • ეს მაჩვენებელი პანდემიამდელ პერიოდთან, ანუ 2019 წელთან შედარებით 55,4%-ით არის შემცირებული.