JPMorgan-ის ანალიტიკოსებმა იმ ჩინური ინტერნეტ კომპანიების აქციების შეფასება გაზარდეს, რომლებსაც ორი თვის წინ "არაინვესტირებადი" უწოდეს. ეს ნიშნავს იმას, რომ ბანკი კონკრეტული აქციების ყიდვის რეკომენდაციას გასცემს. როგორც ანალიტიკოსები ამბობენ, ამ პერიოდში სექტორისადმი განწყობა მნიშვნელოვნად შეიცვალა.

ორშაბათის რეიტინგის ცვლილებების შედეგად, ტექ-ანალიტიკოსმა ალექს იაომ და მისმა ჯგუფმა შვიდი ჩინური კომპანიის საინვესტიციო შეფასება განაახლა და ისინი "მეტად ინვესტირებად" აქციებად შეაფასა. გარდა ამისა, ბანკმა რამდენიმე სხვა კომპანიის აქციების შეფასებაც გაზარდა.

JPMorgan-მა ორშაბათს შემდეგი კომპანიების შეფასება გაზარდა: NetEase, Tencent, Alibaba, Meituan, iQIYI, Dingdong და Pinduoduo. შეფასების ზრდა კომპანიების მხრიდან აქციების ვაჭრობის გააქტიურებას უკავშირდება. უფრო კონკრეტულად, ამ აქციებზე ბოლო პერიოდში ფასები გაიზარდა.

მაგალითისთვის, მარტის მდგომარეობით, NetEase-ის აქციების ღირებულება წლიურად 30% -ზე მეტით იყო შემცირებული. არსებული მდგომარეობით კი, მიმდინარე წლის დასაწყისთან შედარებით კომპანიის ზარალი 10%-მდეა შემცირებული.

JPMorgan-ის ანალიტიკოსმა მოლოდინების პოზიტიური ცვლილება ჩინეთის მარეგულირებლის მიერ გაკეთებულ განცხადებას დაუკავშირა. როგორც ირკვევა, პეკინი ჩინური კომპანიების აშშ-ის ბირჟებიდან ამოღების თავიდან აცილებას ცდილობს.

ბანკმა საკუთარი ანგარიშებიდან სიტყვა "არაინვესტირებადი" ამოიღო და "ნაკლებად მიმზიდველით" ჩაანაცვლა. როგორც ჩანს, ზოგიერთ კომპანიასთან მიმართებით JPMorgan-ის გასულ კვარტალში გაკეთებული შეფასება ზედმეტად პესიმისტური იყო.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.