დისნეის ანიმაციები საინტერესო პერსონაჟების, დაუვიწყარი ისტორიებისა და თვალისმომჭრელი სცენების გარდა საოცარი სიმღერებითაც გვხიბლავს. თითქმის ყველა ანიმაციაში, სულ მცირე, მთავარი გმირი მაინც საკუთარ ისტორიას, ოცნებებსა და სურვილებს ღიღინ-ღიღინით გვიყვება. დისნეის სიმღერები იმდენად მელოდიურია, რომ შეუძლებელია ანიმაციის ნახვის შემდეგ ისინი რამდენიმე დღით მაინც არ აგეკვიატოს.

გთავაზობთ დისნეის 10 სიმღერას, რომელიც ანიმაციებზე არანეკლებ მომაჯადოებელია:

1. We Don't Talk About Bruno — ენკანტო

ენკანტოს თითქმის ყველა სიმღერა დაუვიწყარია, თუმცა უნდა ვაღიაროთ, რომ ანიმაციის გამოსვლისთანავე ყველას ბრუნოს სახელი გვეკერა პირზე, არადა შევთანხდმით, რომ ბრუნო არ უნდა გვეხსენებინა!

2. Let It Go — გაყინული

როგორც კი ელსა და ანა გავიცანით, დიდმა თუ პატარამ ელსას დაუვიწყარი სიმღერა Let It Go ავიკვიატეთ. ამ სიმღერის მოსმენისას როლებში იმდენად ვიჭრებით, რომ ყინულის სასახლე ნამდვილად დაგვამშვენებდა!

3. A Whole New World — ალადინი

ამ სიმღერის ფონზე ალადინთან და ჟასმინთან ერთად ჯადოსნური ხალიჩით მოგზაურობაზე ბავშვობაში, ალბათ, ყველა ვოცნებობდით.

4. How Far I'll Go — მოანა

ეს მშვენიერი სიმღერა მოანას თავგადასავლების თანამონაწილედ გვაქცევს, ამიტომ მისი გამოტოვება ნამდვილად არ შეიძლებოდა.

5. I Won't Say I'm In Love — ჰერკულესი

ჰერკულესმა თავი საოცარი პერსონაჟებითა და სიმღერებით დაგვამახსოვრა, თუმცა მეგისა და მუზების შესრულება ნამდვილად დაუვიწყარია!

6. Under the Sea — პატარა ქალთევზა

დიახ, არ გეჩვენება: ამ საოცარ სიმღერას Under the Sea ჰქვია და არა — "ანდადასი". ეს სიმღერა წყალქვეშ ცხოვრებას საოცარ თავგადასავლად გვიხატავს.

7. Hakuna Matata — მეფე ლომი

მეფე ლომი მომაჯადოებელი სიმღერების ნაკლებობას არ უჩივის, თუმცა ჰაკუნა მატატა, ალბათ უდარდელობის ერთ-ერთი ყველაზე დაუვიწყარი ჰიმნია.

8. I'll Make A Man Out Of You — მულანი

სამშობლოს დასაცავად კაცად გადაცმულ მულანს წინ უამრავი დაბრკოლება შეხვდება და ეს სიმღერა ამ სირთულეებს ყველაზე კარგად და დასამახსოვრებლად აღწერს.

9. Almost There — პრინცესა და ბაყაყი

ოცნებების ასახდენად ბეჯითად მუშაობა და ძალისხმევაა საჭირო. თუ დაღლილი ხარ და მოტივაცია გჭირდებათ, ტიანას სიმღერა აუცილებლად დაგეხმარება.

10. Under Pressure — ენკანტო

მიუხედავად იმისა, რომ სიაში ენკანტო უკვე ვახსენეთ, ლუიზას საოცარი სიმღერის გარეშე სიის დასრულება წარმოუდგენელი იქნებოდა!

ამავე თემაზე: