NATO-ს გენერალური მდივანი, იენს სტოლტენბერგი აცხადებს, რომ არსებობს გადაუდებელი აუცილებლობა, უფრო მეტად დაეხმარონ უკრაინას.

"როგორც იცით, NATO-ს მოკავშირეები უჭერდნენ მხარს უკრაინას მრავალი წლის განმავლობაში. გაწვრთნეს ათობით ათასი უკრაინელი. ახლა მოკავშირეები ამარაგებენ მათ აღჭურვულობით, დახმარებით, მხარს გიჭერენ, რათა შეინარჩუნოთ თქვენი ქვეყნის დაცვის უფლება, უფლება, რომელიც გაწერილია გაეროს წესდებაში.

ეს გადაუდებელი აუცილებლობაა, რომ მეტად დავეხმაროთ უკრაინას. საგარეო საქმეთა მინისტრების შეხვედრაზე მე დარწმუნებული ვარ, რომ გადავხედავთ მეტ საჰაერო თავდაცვის სისტემას, ტანკწინააღმდეგო იარაღებს, მსუბუქ და ასევე უფრო მძიმე იარაღებს და უკრაინის მხარდაჭერის კიდევ მრავალ განსხვავებულ სახეს", — განაცხადა სტოლტენბერგმა.

დღეს, 7 აპრილს იენს სტოლტენბერგი ბრიუსელში უკრაინის საგარეო საქმეთა მინისტრს, დმიტრო კულებას შეხვდა. მინისტრის თქმით, ბრიუსელში იმისთვის ჩავიდა, რომ განიხილოს სამი ყველაზე მნიშვნელოვანი რამ და ესენია იარაღი, იარაღი და იარაღი.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში