5 ივლისის საქმეზე TV პირველის გარდაცვლილი ოპერატორის, ლექსო ლაშქარავასა და ჟურნალისტ მირანდა ბაღათურიას ეპიზოდზე თბილისის საქალაქო სასამართლოში განაჩენი გამოცხადდა. მოსამართლე ნინო ელიაშვილის გადაწყვეტილებით, ძალადობაში ბრალდებულებს 5-წლიანი პატიმრობა მიესაჯათ.

"წარდგენილი ბრალდებების მიხედით, ყველა ბრალდებასთან მიმართებით გამამტყუნებელი განაჩენი გამოდის და მხოლოდ ცოოტნე ჩიხლაძესთან მიმართებით ცვლის სასამართლო კვალიფიკაციას. სხვა შემთხვევაში, ყველა ბრალდებულ პირთან მიმართებაში წარდგენილ კვალიფიკაციებს სასამართლო დადგენილად მიიჩნევს", — განაცხადა მან.

მოსამართლის გადაწყვეტილებით:

  • აკაკი ნაკაშიძე — დამნაშავედ ცნეს 225-ე მუხლის მეორე ნაწილის, 156-ე მუხლის მეორე ნაწილის "ა" და "გ" ქვეპუნქტებით, 154-ე მუხლის მუხლის მეორე ნაწილით, 118-ე მუხლის მესამე ნაწილით გათვალისწინებულ დანაშაულთა ჩადენისათვის და სასჯელის სახეთ და ზომად განესაზღვრება 5 წლით თავისუფლების აღკვეთა, ათვლა იწყება დაკავების დღიდან;
  • თორნიკე დავლაშელიძე — 225-ე მუხლის მეორე ნაწილის, 156-ე მუხლის მეორე ნაწილის "ა" და "გ" ქვეპუნქტებით, 154-ე მუხლის მუხლის მეორე ნაწილით, 118-ე მუხლის მესამე ნაწილით გათვალისწინებულ დანაშაულთა ჩადენისათვის და სასჯელის სახეთ და ზომად განესაზღვრება 5 წლით თავისუფლების აღკვეთა, ათვლა იწყება დაკავების დღიდან;
  • ცოტნე ჩიხლაძე — 225-ე მუხლის მეორე ნაწილის, 156-ე მუხლის მეორე ნაწილის "ა" და "გ" ქვეპუნქტებით, 154-ე მუხლის მუხლის მეორე ნაწილით, 118-ე მუხლის მესამე ნაწილით, 126-ე მუხლის პირველი პრიმა ნაწილის "ბ" ქვეპუნქტით გათვალისწინებულ დანაშაულთა ჩადენისათვის და სასჯელის სახეთ და ზომად განესაზღვრება 5 წლით თავისუფლების აღკვეთა, ათვლა იწყება დაკავების დღიდან.
  • დავით კუტალაძე — 225-ე მუხლის მეორე ნაწილის, 156-ე მუხლის მეორე ნაწილის "ა" და "გ" ქვეპუნქტებით, 154-ე მუხლის მუხლის მეორე ნაწილით, 118-ე მუხლის მესამე ნაწილით გათვალისწინებულ დანაშაულთა ჩადენისათვის და სასჯელის სახეთ და ზომად განესაზღვრება 5 წლით თავისუფლების აღკვეთა, ათვლა იწყება დაკავების დღიდან.
  • გია გიგუაშვილი — 225-ე მუხლის მეორე ნაწილის, 156-ე მუხლის მეორე ნაწილის "ა" და "გ" ქვეპუნქტებით, 154-ე მუხლის მუხლის მეორე ნაწილით, 118-ე მუხლის მესამე ნაწილით გათვალისწინებულ დანაშაულთა ჩადენისათვის და სასჯელის სახეთ და ზომად განესაზღვრება 5 წლით თავისუფლების აღკვეთა, ათვლა იწყება დაკავების დღიდან.
  • ოთარ გელაშვილი — 225-ე მუხლის მეორე ნაწილის, 156-ე მუხლის მეორე ნაწილის "ა" და "გ" ქვეპუნქტებით, 154-ე მუხლის მუხლის მეორე ნაწილით, 118-ე მუხლის მესამე ნაწილით გათვალისწინებულ დანაშაულთა ჩადენისათვის და სასჯელის სახეთ და ზომად განესაზღვრება 5 წლით თავისუფლების აღკვეთა, ათვლა იწყება დაკავების დღიდან.

დღეს ჟურნალისტების ძალადობაში ბრალდებულების ბოლო სასამართლო სხდომა მიმდინარეობდა. პარალელურად, საქალაქო სასამართლოს ეზოში შეკრებილები იყვნენ მედიის წარმომადგენლები. იქ მივიდნენ ძალადობრივი ჯგუფის წევრებიც. ადგილზე მობილიზებული იყო პოლიცია.

TV პირველის ოპერატორი ლექსო ლაშქარავა 11 ივლისს გარდაიცვალა. ის 5 ივლისს, მოძრაობა სირცხვილიას ოფისთან პროფესიული მოვალეობის შესრულების დროს სიძულვილის ჯგუფების მხრიდან მძიმე ფიზიკური დაზიანებების მსხვერპლი გახდა. ლექსო ლაშქარავას თავდასხმის შემდეგ ჩამსხვრეული ჰქონდა სახის ძვლები, რის გამოც ქირურგიული ოპერაცია დასჭირდა.

ლექსო ლაშქარავას გარდაცვალების ფაქტზე ვაკე-საბურთალოს პოლიციის სამმართველომ გამოძიება საქართველოს სისხლის სამართლის კოდექსის 115-ე, თვითმკვლელობამდე მიყვანის მუხლით დაიწყო.

ლექსო ლაშქარავას და ჟურნალისტ მირანდა ბაღათურიას მიმართ განხორციელებული ძალადობის საქმის განხილვაში 6 პირი იყო ბრალდებული.

ექვსივე ბრალდებულის მიმართ წარდგენილი იყო შემდეგი ბრალი: საქართველოს სისხლის სამართლის კოდექსის 225-ე მუხლი (ჯგუფურ ძალადობაში მონაწილეობა იარაღის გამოყენებით), 156-ე მუხლის (დევნა) მეორე ნაწილის "ა" ქვეპუნქტი — დევნა სექსუალური ორიენტაციის ნიშნით, რომელსაც თან ახლავს ძალადობა, 154-ე მუხლი (ჟურნალისტისათვის პროფესიულ საქმიანობაში უკანონოდ ხელის შეშლა), 118-ე მუხლის მესამე ნაწილი (ჯანმრთელობის განზრახ ნაკლებად მძიმე დაზიანება), ჩადენილი დამამძიმებელ გარემოებებში — სამსახურეობრივ მდგომარეობასთან დაკავშირებული და ჯგუფურად, 117-ე მუხლის (ჯანმრთელობის განზრახ მძიმე დაზიანება — მხოლოდ ერთი ბრალდებულის ც.ჩ.-ის მიმართ) მეოთხე ნაწილით.

წინასასამართლო სხდომამდე 3 დღით ადრე, ექსპერტიზის დასკვნის საფუძველზე, ლექსო ლაშქარავას მიმართ განხორციელებული ძალადობის ფაქტზე, ბრალდებულებს ბრალი დაუმძიმდათ 118-ე მუხლის მე-3 ნაწილით (ჯანმრთელობის განზრახ ნაკლებად მძიმე დაზიანება). თუმცა აღნიშნული სამედიცინო დასკვნა 5 ივლისის მოვლენების შედეგად მიღებულ დაზიანებებს შეეხებოდა.