NATO-ს გენერალური მდივნის, იენს სტოლტენბერგის განცხადებით, ალიანსის მოკავშირეები თანხმდებიან, რომ NATO-ს თვითმფრინავები და ჯარები უკრაინაში არ უნდა შეიყვანონ.

"NATO-ს მოკავშირეები მხარს უჭერენ უკრაინას. უნდა გვახსოვდეს, რომ ალიანსის წევრები უკრაინას მხარს უჭერდნენ მრავალი წლის განმავლობაში — ახლა ამას აძლიერებენ, სხვადასხვა ტიპის დახმარებით, რაც გადამწყვეტია უკრაინისთვის ამ რთულ დროს. ამავდროულად აღინიშნა, რომ მოკავშირეები შეთანხმდნენ, რომ NATO-ს თვითმფრინავები არ უნდა ოპერირებდნენ უკრაინის ცაზე, ხოლო NATO-ს ჯარი უკრაინის ტერიტორიაზე", — განაცხადა მან.

სტოლტენბერგის თქმით, მათ აქვთ პასუხისმგებლობა, რომ არ დაუშვან ომის უკრაინის მიღმა ესკალაცია, რაც უფრო სახიფათო და დამანგრეველი იქნება.

"ამიტომ ჩვენ ნათელი გავხადეთ, რომ არ შევალთ უკრაინაში არც მიწაზე, არც საჰაერო სივრცეში", — თქვა მან.

უკრაინა ცის ჩაკეტვას ითხოვს. გუშინ, 3 მარტს უკრაინის პრეზიდენტმა, ვოლოდიმირ ზელენსკიმ NATO-ს ამისკენ კიდევ ერთხელ მოუწოდა. მან პარტნიორებს ჰკითხა — "თუ არ შეგიძლიათ ცის დახურვა ახლა, მაშინ გვითხარით დრო როდის, თუ არ შეგიძლიათ ეს ახლა გააკეთოთ, გვითხარით, რა რაოდენობის ადამიანი უნდა აფეთქდეს?"

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში