საგარეო საქმეთა სამინისტრო შეშფოთებას გამოთქვამს სირიაში, ქალაქ ჰან შეიხუნში ქიმიური იარაღის გამოყენებასთან დაკავშირებით,რასაც მშვიდობიანი მოსახლეობის მსხვერპლი მოყვა და აცხადებს, რომ ქიმიური იარაღის განთავსებით, სირია საერთაშორისო სამართლის ნორმებს არღვევს.

"ამგვარი ქმედებების უპასუხოდ დატოვება არ შეიძლება. აღნიშნულიდან გამომდინარე, მიგვაჩნია, რომ აშშ-ს მიერ განხორციელებული საპასუხო ქმედება იყო დროული, ადეკვატური და გამოყენებული იქნა პროპორციული ძალა. მნიშვნელოვანია,რომ გატარდა ყველა სახის გამაფრთხილებელი ზომა".

საქართველოს საგარეო საქმეთა სამინისტრო იმედოვნებს, რომ საერთაშორისო საზოგადოება გამოიჩენს სათანადო პრინციპულობასა და ერთიანობას სირიაში საბოლოო მშვიდობის დასამყარებლად.

6 აპრილს, აშშ–მ, ასადის მიერ ქიმიური იარაღის გამოყენების გამო, სირიაზე პირველი ავიაიერიში მიიტანა.