როდესაც 8 წლის ჯეილინ ბეილიმ ბიზნესის წამოწყება გადაწყვიტა, მისი მიზანი ჯიბის ფულის გამომუშავება არ ყოფილა, ბიჭს ბევრად სერიოზული და ამბიციური მიზანი ამოძრავებდა - უნდოდა, მარტოხელა დედას სახლის ყიდვაში დახმარებოდა.

"მინდა, რომ სახლის შესაძენად საკმარისი ფული ვიშოვო, რაც ჩემთვის და პირველ რიგში დედაჩემისთვის დიდი ბედნიერება იქნება", - ამბობს ბეილი.

ბეილიმ დედამისის რეცეპტით რამდენიმე სახის ნამცხვრის გამოცხობა და მათი რეალიზება დაიწყო. ახალგაზრდობაში დედამისსაც მსგავსი მცირე ბიზნესი ჰქონდა.

"დედაჩემი მთელს პლანეტაზე საუკეთესო დედაა, ის ყოველთვის იქნება ჩემთვის მისაბაძი მაგალითი და იმედია. ჩვენი ოცნება აუცილებლად ახდება", - ამბობს ბეილი.