ამერიკის შეერთებული შტატები უარყოფითად აფასებს რუსეთის პრეზიდენტის, ვლადიმერ პუტინის, გადაწყვეტილებას, რომელიც საქართველოს ოკუპირებული ტერიტორიებიდან სამხედრო პირებს რუსეთის არმიაში გაერთიანების უფლებას აძლევს.

აშშ-ს სახელმწიფო დეპარტამენტმა პუტინი ბრძანების გამოქვეყნების მეორე დღეს გააკრიტიკა.

"ამერიკის შეერთებული შტატები მკაცრად გმობს რუსეთის ფედერაციის გადაწყვეტილებას, შეიერთოს საქართველოს ოკუპირებული ტერიტორიებიდან სამხედრო ძალა" - უთხრა აშშ-ს სახელმწიფო დეპარტამენტის სპიკერმა RFE/RL-ს და დასძინა, რომ ამერიკა კვლავ მხარს უჭერს საქართველოს მთლიანობას და არ აღიარებს დეფაქტო რეგიონების დამოუკიდებლობას.