რუსეთის პრეზიდენტის, ვლადმიერ პუტინის მტკიცებით, რუს ოპოზიციონერს და ამჟამად პატიმრობაში მყოფ ნავალნის, სურდა, რომ დაეკავებინათ და კანონს განზრახ არღვევდა.

"რაც შეეხება უსისტემო ოპოზიციას და მოქალაქეს, რომელიც ახსენეთ — მან ძალიან კარგად იცოდა, რომ რუსეთის მოქმედ კანონს არღვევდა. ის არის ორჯერ ნასამართლევი. განზრახ დაარღვია კანონი, წავიდა საზღვარგარეთ საკმურნალოდ და როცა გამოვიდა კლინიკიდან, დაპოსტა ვიდოები ინტერნეტში, უგულებელყო კანონის მოთხოვნა. იცოდა, რომ ძებნაში იყო, ამის მიუხედავად, დაბრუნდა რუსეთში. მას შეგნებულად სურდა, რომ დაეკავებინათ. გააკეთა ის, რაც უნდოდა. რა შეგვიძლია აქ ვთქვათ?", — თქვა მან.

დღეს ჟენევაში აშშ-სა და რუსეთის პრეზიდენტების სამიტი მიმდინარეობდა. მოლაპარაკებები რამდენიმე საათს გაგრძელდა. ორივე მათგანს ვილა ლა გრანჟში შვეიცარიის პრეზიდენტი, გაი პარმელენი შეხვდა.

20 აგვისტოს ალექსეი ნავალნი თვითმფრინავში შეუძლოდ გახდა, რის შემდეგაც ის ომსკის საავადმყოფოში გადაიყვანეს. ორი დღის შემდეგ ოჯახის მოთხოვნით, ოპოზიციონერი ბერლინის კლინიკა შარიტეში წაიყვანეს. გერმანელი ექიმები მივიდნენ დასკვნამდე, რომ ნავალნი ნოვიჩოკის ჯგუფის ნივთიერებით მოწამლეს. იგივე ვერსია საფრანგეთისა და შვეიცარიის ლაბორატორიებმა დაადასტურეს.

რუსეთის ხელისუფლება აცხადებს, რომ მომხდართან კავშირი არ აქვთ, ნავალნის მოწამვლის ვერსიას უარყოფენ და გერმანიისგან უფრო მეტი ინფორმაციის მიწოდებას მოითხოვენ.

11 იანვარს რუსეთში სასჯელის აღსრულების ფედერალურმა ბიურომ სასამართლოს მიმართა, რომ ნავალნის პირობითი მსჯავრი, რომელიც მან ივ როშეს საქმეზე მიიღო, რეალურით ჩანაცვლდეს. ამასთან, რუსეთში ოპოზიციონერის წინააღმდეგ თაღლითობის მუხლით საქმე აღძრეს. საგამოძიებო უწყებები მას საკუთარი ფონდებიდან ფულის გაფლანგავს ედავებიან.

რამდენიმეთვიანი მკურნალობის შემდეგ ნავალნი ცოლთან ერთად მოსკოვში 2021 წლის 17 იანვარს დაბრუნდა. ის აეროპორტშივე დააკავეს. რუსულმა სასამართლომ ნავალნის პირობითი მსჯავრი რეალურით შეუცვალა და 2 წლითა და რვა თვით ციხეში გაუშვა.