გასულ კვირას მეგობრების ჯგუფი ვაშინგტონის ერთ-ერთ ტბაზე ნავით მშვიდად სეირნობდა, როდესაც უცხო კატერი გამოჩნდა და მასზე მყოფმა მგზავრებმა მეგობრების შევიწროება დაიწყეს. უცხო ადამიანები მეგობრების ნავს ირგვლივ მაღალი სისწრაფით უვლიდნენ და შეურაცხყოფას აყენებდნენ. ამის მიზეზი კი მეგობრების ნავზე აღმართული LGBT დროშა გახდა.

ეს ისტორიის დასასრული ნამდვილად არ აღმოჩნდა, რადგან მოულოდნელად ჰომოფობთა ნავს ცეცხლი გაუჩნდა და აფეთქდა. მგზავრებს დახმარების თხოვნა კი სწორედ იმ ადამიანებისთვის მოუწიათ, რომელთაც ცოტა ხნის წინ LGBT დროშის გამო ავიწროებდნენ.

აღნიშნული ინციდენტის შესახებ საზოგადოებამ ტვიტერისა და ტიკტოკის საშუალებით გაიგო. მეგობრების ჯგუფის ერთ-ერთმა წევრმა ტიკტოკზე ორი ვიდეო ატვირთა. პირველ ვიდეოში კარგად ჩანს, თუ როგორ ავიწროებენ ჰომოფობები მათ და როგორ ფეთქდება ნავი. ვიდეო 12 მილიონამდე ადამიანმა ნახა.

@uhohbigboi

We safely got them out of the water immediately. We were nicer than they were. ##pride ##lgbtq ##boat ##Fail ##Karma ##Gay ##hate ##sorrynotsorry

♬ Oh No - Kreepa

Bored Panda-სთან ინტერვიუში ერთ-ერთმა მეგობარმა, რობიმ აღნიშნა, რომ, რა თქმა უნდა, მეორე ნავის მგზავრებს დახმარება აღმოუჩინეს, თუმცა მადლობა არც ერთ მათგანს არ გადაუხდია. სამიდან ორი მგზავრი კი გადარჩენის შემდეგაც საკმაოდ უხეში აღმოჩნდა.

@uhohbigboi

Reply to @dark_umbre0n Part two with my two best friends @retro_ushi_ and @nova.starr96 ##Gay ##hate ##sorrynotsorry ##Karma ##Fail ##boat ##lgbtq ##pride

♬ original sound - UhOhBigBoi

რობიმ და მისმა მეგობრებმა დასახმარებლად პოლიცია გამოიძახეს. რობიმ აღნიშნა, რომ პოლიციაც და საზოგადოებაც მათ ქმედებას პატივისცემით შეხვდნენ და მათ მიმართ მხოლოდ მადლიერებას გამოხატავდნენ.

"ჩვენ მხოლოდ იმას ვითხოვთ, რომ ჩვეულებრივი ადამიანებივით მოგვექცნენ, ზუსტად ისე, როგორც ჩვენ მოვექეცით ნავზე მყოფ ადამიანებს... სამწუხაროდ, როგორც ჩანს, საზოგადოება LGBTQ თემს მხოლოდ მაშინ უსმენს, როდესაც მათზე ძალადობენ ან ისინი სხვებს ამგვარად პატიობენ", — აღნიშნა რობიმ.

რობი ფიქრობს, რომ ნავის აფეთქება მაღალმა სიჩქარემ განაპირობა, რითიც ჰომოფობები რობისა და მისი მეგობრების შეშინებასა და დამცირებას ცდილობდნენ.