დიდ აკვარიუმში მოფარფატე პატარა ლამაზი თევზების ყურება თქვენს ნერვებზე დადებითად მოქმედებს და განტვირთვის საუკეთესო საშუალებაა, თუმცა ზოგიერთ თევზს ამ ჰარმონიის დარღვევა და ყველაფრის თავდაყირა დაყენება შეუძლია.

მშვიდობიან და უწყინარ სახეობებთან ერთად, არსებობენ საკმაოდ აგრესიული თევზები, რომლებიც საკუთარი თავის დასაცავად უკან არაფერზე იხევენ.

წარმოგიდგენთ აკვარიუმის თევზების ყველაზე აგრესიულ 6 სახეობას.

#1 წითელი პირანია

ფოტო: Wikipedia

პირანიასთან ხუმრობასა და თამაშს არ გირჩევთ, მით უმეტეს, თითით შეხებას. ის არა მარტო სხვა თევზებისათვის წარმოადგენს საფრთხეს, არამედ თქვენც შეიძლება დაგაზიანოთ თავისი ბასრი და წვეტიანი კბილებით.

#2 წითელკუდა ზვიგენი

ფოტო: fattinostri

ეს თევზი ულამაზესია თავისი შავი სხეულითა და ხასხასა წითელი კუდით, თუმცა სხვა თევზების მიმართ დიდ აგრესიას ავლენს.

#3 ვეფხვისებრი ბარბუსი

ფოტო: Pinterest

ვეფხვისებრ ბარბუსებს ძალიან უყვართ სხვა თევზების ფარფლების კვნეტა და მათი დაზიანება, განსაკუთრებით აგრესიულები გამრავლების პერიოდში ხდებიან.

#4 გიგანტური დანიო

ფოტო: getdomainvids

უმჯობესია, თუ ამ სახეობის რამდენიმე ინდივიდს ერთად იყოლიებთ, რადგან მათ ჯგუფურად ცურვა ძალიან უყვართ, შედარებით მომცრო ზომის თევზებს კი დიდად არ წყალობენ და ხშირად ესხმიან თავს.

#5 ზებრა ციხლიდისებრი

ფოტო: Wikipedia

ყველა ციხლიდისებრი სახეობის თევზი არ არის აგრესიული, ზოგი მათგანი საყვარელი და მშვიდობისმოყვარეა, მაგრამ ზებრა ციხლიდისებრები და ოსკარ ასტრონატუსები შთამბეჭდავ ზომებს აღწევენ და პატარა ზომის თანამცურავებს გემრიელადაც შეექცევიან ხოლმე.

#6 თევზი დორა

ფოტო: YouTube

თევზ დორას ძალიან ბასრი ფარფლები აქვს და გაბრაზების შემთხვევაში ფარფლებით სხვა თევზების შუაზე გაპობა შეუძლია.