სტრატეგია აღმაშენებლის თავმჯდომარე, გიორგი ვაშაძე ყოფილ პრემიერმინისტრს, გიორგი გახარიას სატელევიზიო დებატებში იწვევს.

"ძალიან სუსტ საუბარს ვხედავ ადამიანის, რომელსაც წარმოედგინა, რომ ოლიმპოს მთაზე იჯდა ქვეყნის პრემიერ-მინისტრი იყო. მაშინ დებატებზე უარი მითხრა, როდესაც საზოგადოებრივი მაუწყებლის ეთერში გასული დებატების ფორმატში შემთხვევითი არჩევის წესით დაემთხვა ჩვენი სატელევიზიო დებატები, თუმცა ბატონ გახარიას შეეშინდა ჩემთან დებატებში შემოსულიყო და მდინარაძე გამომიგზავნა. ახლა კვლავ ვამბობ, რომ ნებისმიერ დროს, ნებისმიერ ეთერში დავსხდეთ დებატებში და კითხვა დავუსვა, რადგან დღეს ქვეყნის ეკონომიკა გაუბედურებულია და ის გახლდათ ქვეყნის სათავეში", — ამბობს ვაშაძე.

ვაშაძემ გახარია დებატებში საქართველოს მომავალზე სამსჯელოდ გასული წლის სექტემბერში მიიწვია, თუმცა გახარია დებატებზე არ მისულა.