ზაფხული ახლოვდება და მას ტემპერატურის მატებასთან ერთად სულ უფრო ვგრძნობთ. რა შეიძლება იყოს თავშესაფარი ცხელ ზაფხულში თუ არა კარგი კონდიციონერი. თუ თქვენ ჯერ კიდევ ფიქრობთ და ვერ გადაგიწყვეტიათ შეიძინოთ თუ არა ის, ეს სტატია თქვენთვის არის. სტატიაში გეტყვით რამდენიმე მიზეზს თუ რატომ გვჭირდება კონდიციონერი.

1. უკეთესი ჰაერი

კონდიციონერი ხელს უწყობს ჰაერის ცირკულაციას და ფილტრაციას, რაც ჰაერს ასუფთავებს კიდევაც. ეს განსაკუთრებით მათთვის არის მნიშვნელოვანი ვისაც ალერგია და ასთმა აწუხებს. შესაბამისად, ხარისხიანი კონდიციონერი ხარისხიან ჰაერს ნიშნავს.

2. ნაკლები მწერი

ის რომ სიცხეში მწერები "აქტიურდებიან" უცხო არავისთვისაა. ზაფხულში ფანჯრის ჩაკეტვა რთულია, მწერები კი თითქოს იმას ელიან როდის გაანიავებ ოთახს — სულ რამდენიმე წუთი და თქვენი სახლი შეიძლება უამრავი მწერით გაივსოს. კონდიციონერი ფანჯრის გაღების აუცილებლობას აქრობს და რაც მთავარია, ის თავად მწერებსაც "ავიწროვებს" და თქვენს სახლს მათთვის არასტუმართმოყვარეს ხდის.

3. დაცული ტექნიკა

ადამიანები ერთმანეთისგან განვსხვავდებით, ერთს შეიძლება სიცხე ნაკლებად აწუხებდეს და მეორეს მეტად, რასაც ვერ ვიტყვით ტექნიკაზე. სიცხეში ტექნიკა უფრო მარტივად ხურდება და შეიძლება გადაიწვას კიდევაც. შესაბამისად, ხარისხიანი კონდიციონერი არა მარტო ადამიანებზე, სხვა საოჯახო ტექნიკაზეც ზრუნავს. ეს ნიშნავს, რომ თქვენი ტექნიკა უფრო დაცული იქნება და მისი შეკეთებაც შედარებით იშვიათად მოგიწევთ.

4. დაცული ავეჯი

ზედმეტ სიცხეს არა მარტო ტექნიკის, არამედ ავეჯის დაზიანებაც შეუძლია. ტყავის ავეჯი ტენიანობას შთანთქავს, რაც დროსთან ერთად მის ლპობას იწვევს. იგივე შეიძლება დაემართოს ხის ავეჯსაც. ზოგადად, ტენიან გარემოში ნებისმიერი ქსოვილი ობის მოკიდებისკენ არის მიდრეკილი. კონდიციონერი სახლს ტენისგან იცავს. ასე რომ, ხარისხიანი კონდიციონერი თქვენს ავეჯსაც იცავს.

5. დეჰიდრატაციის შემცირებული რისკები

მაღალი ტემპერატურა ზედმეტ ოფლს ნიშნავს. ასეთ დროს ადამიანი წყლის დიდ რაოდენობას კარგავს, რამაც დეჰიდრატაცია შეიძლება გამოიწვიოს. კონდიციონერს დეჰიდრატაციისგან და ზედმეტი სითხის დაკარგვისგანაც შეუძლია ჩვენი დაცვა.

ეს ჩამონათვალი სულ მცირეა იქიდან რისი შემოთავაზებაც ხარისხიან კონდიციონერს შეუძლია. დანარჩენი უკვე თქვენზეა, ოღონდ გახსოვდეთ, ზაფხული ახლოვდება.

ალტა კომპიუტერული და საოჯახო ტექნიკის ერთ-ერთი უმსხვილესი მაღაზიაა, რომელიც მსოფლიოს წამყვან ბრენდებთან პარტნიორობს და მომხმარებელს ათასობით პროდუქტს სთავაზობს. აქ კონდიციონერის დიდი არჩევანი დაგხვდებათ. რაც მთავარია, ალტაში 21 მაისიდან თვის ბოლომდე "დამოუკიდებლობის კვირეულთან" დაკავშირებით დიდი ფასდაკლებებია.