ევროპული საბჭოს პრეზიდნეტის, შარლ მიშელის წარმომადგენელი, კრისტიან დანიელსონი აცხადებს, რომ კომპრომისი სიძლიერის ნიშანი და ევროპული გზაა.

იგი საქართველოში დღეს დაბრუნდა და აქ კიდევ 3 დღე დარჩება.

"მოხარული ვარ საქართველოში დაბრუნებით. მოუთმენლად ველოდები პოლიტიკური პარტიების ლიდერებთან შეხვედრას, როგორც ოპოზიციასთან, ისე მმართველ პარტიასთან რათა დავეხმარო მათ, რომ მიაღწიონ შეთანხმებას და დასრულდეს პოლიტიკური კრიზისი ამ ქვეყანაში. ახლა კომპრომისის დროა, კომპრომისი არ არის სისუსტის ნიშანი, კომპრომისის სიძლიერის ნიშანია, იმის ნიშანია, რომ საქართველოში დემოკრატია მუშაობს და კომპრომისი არის ევროპული გზა. აქ სამი დღით დავრჩები და მოუთმენლად ველოდები, ისევ მოგმართოთ თქვენ ჩემი მისიის დასასრულს, რაც სამშაბათს მოხდება", განაცხადა მან. [ფორმულას თარგმანი].

დანიელსონი სამუშაო პროცესს ორშაბათიდან, 29 მარტიდან დაიწყებს. დანიელსონის ბოლო ვიზიტის დროს, 18 მარტს ქართული ოცნებისა და ოპოზიციის შეხვედრები უშედეგოდ დასრულდა. ბოლო შეხვედრა 10 საათი გრძელდებოდა.

დანიელსონი საქართველოში არსებული პოლიტიკური ვითარების განმუხტვის მიზნით მიშელის გადაწყვეტილებით ჩამოვიდა. შუამავლის საქართველოში მივლინება ევროკავშირის უმაღლეს წარმომადგენელ ჟოზეფ ბორელთან შეთანხმებით, საქართველოში ევროკავშირის მიერ მხარდაჭერილი შუამავლობისა და პოლიტიკური დიალოგის პროცესის ფარგლებში გადაწყდა.