უგემრიელესი ყავა, რომელსაც ყავის აპარატი გვიმზადებს, ჩვეული ამბავია, მაგრამ რას იტყვით ნაყინზე? კომპანია ColdSnap, ინოვაციურ ტექნოლოგიას გვთავაზობს, რომელიც სახლის პირობებში, რამდენიმე წამში, უგემრიელეს ნაყინს ამზადებს.

ColdSnap-ის აპარატის მოხმარება უმარტივესია. აპარატში სპეციალურ ალუმინის კოლოფს ათავსებთ და ნაყინი ზუსტად ერთ წუთში მზად არის. რაც შეეხება არომატს, კომპანია ძალიან დიდ არჩევანს გვთავაზობს. თქვენზეა დამოკიდებული გსურთ შოკოლადის, ვანილის თუ ხილის.

რაც მთავარია, აპარატით თქვენ არა მხოლოდ ნაყინის, არამედ ცივი იოგურტის, ყავის, სმუზის და კოქტეილის დამზადებაც შეგიძლიათ.

ეს ყველაფერი კარგია, მაგრამ იცით კიდევ რა არის მნიშვნელოვანი? არანაირი სიბინძურე! იქიდან გამომდინარე, რომ აპარატში სპეციალურ კოლოფს ათავსებთ, მანქანის გარეცხვა საერთოდ არ გიწევთ.

ColdSnap მძლავრ სამაცივრო სისტემას იყენებს, რაც პროდუქტს ამუშავებს და ამასთან ერთად, უსწრაფესად ყინავს. რაც შეეხება დამზადების სპეციფიკას, აპარატი კოლოფის QR კოდს შიფრავს და პროდუქტს ამის მიხედვით ოპტიმალურ ტემპერატურაზე ყინავს.

მნიშვნელოვანია, რომ ColdSnap-ის კოლოფები გადამუშავებადია, რაც ნიშნავს, რომ მათი წარმოება პლანეტის ეკოლოგიას საფრთხეს არ უქმნის.

ColdSnap-ის ტექნოლოგიამ, CES 2021-ის ჯილდო ინოვაციების კუთხით მიიღო, რაც მიგვანიშნებს, რომ პროდუქტი ნამდვილად საინტერესო და გამორჩეულია.

რუბრიკის სპონსორია ტექნიკის მაღაზიათა ქსელი გრანდ ელექტრონიქსი. გრანდ ელექტრონიქსი SHARP-ის, TOSHIBA-ს, Mitsubishi Electric-ის, Midea-ს, Ardesto-ს, Warmhaus-ისა და სხვა პრემიუმ თუ დაბალბიუჯეტური ბრენდებით სახლის ტექნიკით აღჭურვასა და კომფორტის შექმნაში დაგეხმარებათ.

თქვენთვის სასურველი საოჯახო ტექნიკის ყიდვა შესაძლებელია გრანდ ელექტრონიქსის ხუთ ფილიალში: საბურთალოს სითი მოლის, ისთ ფოინთის, მეგალაინის სავაჭრო ცენტრებში და გლდანისა და ვარკეთილის ფილიალებში, აგრეთვე 24/7-ზე გრანდ ელექტრონიქსის ვებგვერდის საშუალებით.