რამდენიმე დღის წინ Stranger Things-ის მეორე სეზონის პირველი თიზერი გავრცელდა.

დღეს კი Entertaiment Weekly-მ პირველი ფოტო გამოაქვეყნა, საიდანაც უკვე ზუსტად ვიგებთ, რომ მილი ბობ ბრაუნის პერსონაჟი ილევენი მეორე სეზონში კვლავ იქნება.

ფოტო: DAN WINTERS FOR EW

შოუს მეორე სეზონი ივლისში დაიწყება და ეპიზოდებში აუცილებლად ვიხილავთ დოქტორ ბრენერს.

“პირველ სეზონში ჩვენ ვნახეთ, რომ ბრენერის პერსონაჟს თავს ესხმის მონსტრი, შემდეგ კი ისინი ერთიანდებიან. ვფიქრობთ, რომ ეს პერსონაჟი უფრო მეტ დროს იმსახურებს შოუში, ამიტომ დიდი ალბათობით, მას შემდეგ სეზონშიც ვნახავთ”, - ამბობს შოუს ერთ-ერთი შემქმნელი მეთ დიფერი.

იგეგმება უკვე ნაცნობი ისტორიის გავრცობაც.

"პირველ სეზონში სიუჟეტი ფაქტობრივად ერთი კვირის განმავლობაში ვითარდება. ეს კი ძალიან ცოტა დროა იმისთვის, რომ ყველაფერი განმარტო. ჩვენ გადავწყვიტეთ, მეორე სეზონში განვავრცოთ და უფრო გასაგები გავხადოთ ის, რაც პირველ სეზონში მოხდა", - ამბობს რეჟისორი.

აღსანიშნავია ისიც, რომ სერიალის მეორე სეზონში ძველ პერსონაჟებს სამი ახალი გმირი - მაქსი, ბილი და რომანი დაემატებათ.