2016 წელს საქართველოდან 179 მილიონი ამერიკული დოლარის ღირებულების თხილი გავიდა, რაც საქართველოდან ექსპორტირებული პროდუქტის 9 პროცენტია. თხილი საქართველოდან ექსპორტირებული პროდუქტის სამეულში მეორე ადგილზეა. ეს მონაცემები საქსტატის 2016 წლის წინასწარ შედეგებშია ასახული.

საქართველოდან ექსპორტირებულ პროდუქტში პირველი ადგილი სპილენძის მადნებსა და კონცენტრანტებს უკავიათ. ამ პროდუქტის გაყიდვით საქართველოში 312 მილიონი ამერიკული დოლარი შემოვიდა. მესამე ადგილზე კი ფეროშენადნობების ჯგუფი 169 მლნ. აშშ დოლარის ღირებულების ექსპორტირებული პროდუქტით.

საქართველოდან ექსპორტირებული პროდუქტის ათეულში მოხვდნენ: მსუბუქი ავტომობილები (7.9%), ღვინოები (5.4%), სამკურნალო საშუალებები (5.1%) და სხვა.