დიდუბე-ჩუღურეთის მაჟორიტარულ ოლქში ცესკომ უკვე ხმების 50% დაითვალა. წინასწარი მინაცემებით, აქ არცერთ კანდიდატს 50%-ზე მეტი არ დაუგროვებია და მეორე ტურია მოსალოდნელი. ამ ოლქში ქართული ოცნების კანდიდატი გიორგი ვოლსკი 43,53%-ით ლიდერობს. სხვა მონაცემები კი ასე გადანაწილდა:

  • გიორგი ვოლსკი — 43,53%;
  • ანა დოლიძე — 20,84%;
  • ზურაბ გირჩი ჯაფარიძე — 19,93%;
  • ლევან სამუშია — 6,04%;
  • არჩილ ბენიძე — 2,74%;
  • გედევან ფოფხაძე — 1,26%.

ცესკოს პირველადმა შედეგებმა ოპოზიციის კრიტიკა და გაღიზიანება გამოიწვია. პოლიტიკური პარტიის ლიდერები აცხადებენ, რომ არჩევნების შედეგები რეალობას არ ასახავს. გვიან ღამით ისინი ცესკოს ოფისთან შეიკრიბნენ და გააპროტესტეს. ადგილზე მობილიზებული იყო პოლიცია.

დღეს, პირველ ნოემბერს 16:00 საათზე ოპოზიცია საპროტესტო აქციას გეგმავს, სადაც გაჟღერდება მათი გეგმებისა და მოთხოვნების შესახებ.

ცესკოს პირველადი შედეგები მიახლოებულია იმედის დაკვეთით ჩატარებული ეგზტიპოლის მონაცემებთან, რომლის მიხედვითაც, "ოცნებას" — 54%, ენმ-სა და ძალა ერთობაშიას კი 24% აქვს.

გაიგეთ მეტი ეგზიტპოლების შედეგებზე: