რუსეთმა ნორვეგიის საელჩოს უფროსი დიპლომატი პერსონა ნონ გრატად გამოაცხადა და ქვეყნიდან გააძევა. რუსეთის ფედერაციის საგარეო საქმეთა სამინისტროს განცხადებით, ეს გადაწყვეტილება "ნორვეგიის ხელისუფლების არამეგობრული ქმედებების საპასუხოდ მიიღეს". მანამდე, 18 აგვისტოს, ნორვეგიამ რუსი დიპლომატი შპიონაჟის ბრალდებით გააძევა.

ნორვეგიელ დიპლომატს რუსეთის დასატოვებლად სამი დღე მისცეს. რუსეთის საგარეო უწყებაში განაცხადეს, რომ "ზუსტად ამდენი ვადა დაუდგინეს ნორვეგიელებმა რუს დიპლომატს ქვეყნის დასატოვებლად".

რუსეთის საგარეო უწყება პასუხისმგებლობას მსგავსი პოლიტიკის შედეგებზე ოსლოს აკისრებს.