ტელეკომპანია რუსთავი 2-მა საქართველოს პარლამენტის 2016 წლის მოწვევის დეპუტატებს ჰკითხა, მოუწევიათ თუ არა მარიხუანა და რას ფიქრობენ დეკრიმინალიზაციასთან დაკავშირებით.

გამოკითხვამ აჩვენა, რომ როგორც ოპოზიციური პარტიების, ასევე სახელისუფლებო პარტიების წარმომადგენლებს მარიხუანა მოუხმარიათ.

მარიხუანა ერთხელ მაინც მოუწევიათ ქართული ოცნების დეპუტატებს - გიორგი ვოლსკის, ზაზა ხუციშვილის, ნუკრი ქანთარიას, ზვიად ძიძიგურს, მამუკა მდინარაძესა და სხვებს, ნაციონალური მოძრაობის წევრებს - რომან გოცირიძეს, ელენე ხოშტარიას, გიგა ბოკერიას და სხვებს, ასევე, პატრიოტთა ალიანსის წევრს, ემზარ კვიციანს. თუმცა სამივე პარტიიდან იყვნენ დეპუტატები, რომლებმაც თქვეს, რომ არ გაუსინჯავთ.

კითხვაზე უნდა მოხდეს თუ არა მარიხუანას დეკრიმინალიზაცია, ნაციონალური მოძრაობის ყველა დეპუტატი მომხრეა, ქართული ოცნებისა და პატრიოტთა ალიანსის შემთხვევაში კი, პარტიის წევრების მოსაზრებები განსხვავებულია.