დიდი ბრიტანეთის პრემიერ-მინისტრმა, ბორის ჯონსონმა ინტენსიური თერაპიის განყოფილება დატოვა. ის პალატაში გადაიყვანეს, სადაც მკურნალობას გააგრძელებს. როგორც დაუნინგ სტრიტი აცხადებს, პრემიერის ჯანმრთელობის მდგომარეობა უმჯობესდება.

"ის თავს კარგა გრძნობს", — ნათქვამია განცხადებაში.

დიდი ბრიტანეთის პრემიერ-მინისტრი, რომელსაც კორონავირუსი დაუდასტურდა, გამოკვლევებისთვის კლინიკაში 5 აპრილს გადაიყვანეს. მედიის ინფორმაციით, ჯონსონს ეს რეკომენდაცია ექიმმა მისცა, რადგან ვირუსის დადასტურებიდან 10 დღის შემდეგ მას ისევ აქვს სიმპტომები, მათ შორის, მაღალი ტემპერატურა.

ამ დრომდე ბორის ჯონსონი თვითიზოლაციაში იმყოფებოდა და აგრძელებდა მთავრობის მეთაურის მოვალეობის შესრულებას. საავადმყოფოში ყოფნის პერიოდში კორონავირუსთან ბრძოლის საბჭოს საგარეო საქმეთა მინისტრი, დომინიკი რააბი ხელმძღვანელობს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: