საქართველოს ყოფილი პრემიერ-მინისტრი, გიორგი კვირიკაშვილი ამბობს, რომ აქტიურ პოლიტიკაში ჩართვას არ აპირებს. მის განცხადებას პირველი არხი ავრცელებს. გიორგი კვირიკაშვილი მიესალმება პოლიტიკაში ყოფილი პრეზიდენტის, გიორგი მარგველაშვილის დაბრუნებას.

"მივიჩნევ, რომ ეს ადამიანი თავისი თვისებებით არის აქტივი საქართველოსთვის მთლიანად და არა მარტო პოლიტიკისთვის", — აღნიშნა ყოფილმა პრემიერმა.

როგორც კვირიკაშვილი ამბობს, ის არ აპირებს არჩევნებში მონაწილეობას:

"მე მექნება, რა თქმა უნდა, ჩემი საჯარო პოზიცია ძალიან ბევრ საკითხზე, მაგრამ პოლიტიკაში ჩართვას არ ვაპირებ უბრალო მიზეზის გამო, რომ მე ვიყავი პრემიერ-მინისტრი მიღებული მაქვს ბევრი გადაწყვეტილება, ამ გადაწყვეტილების დროს ვხელმძღვანელობდი ქვეყნის ინტერესებით".

მისივე თქმით, მას არ უდნა კითხვის ნიშნის ქვეშ დააყენოს მოტივაცია, რომელიც ჰქონდა ანაკლიის პორტის შემთხვევაში, რომელიც საქართველოსთვის ყველაზე მნიშვნელოვანი პროექტია.

მას შემდეგ რაც გიორიგ მარგველაშვილმა პოლიტიკაში დაბრუნების შესახებ განაცხადა, მედიაში არაერთი ინფორმაცია გავრცელდა იმის შესაახებ, რომ მას გიორგი კვირიკაშვილიც შეუერთდებოდა.