საგარეჯოში, სოფელ იორმუღალოში 15 წლის გოგო გაიტაცეს, თუმცა შსს-ს ცნობით, გამტაცებელი ჯერ არ დაუკავებიათ. გოგო უკვე დააბრუნეს სახლში, ოჯახის წევრები კი პოლიციის განყოფილებაში გამოკითხეს.

გოგოს ბებია მთავარ არხთან საუბარში ამბობს, რომ მისი შვილიშვილი უმცროს ძმასთან ერთად სკოლაში მიდიოდა, რა დროსაც გაიტაცეს. იგი ითხოვს, დამნაშავე დროულად დააკავონ, რათა გოგომ სახლიდან თავისუფლად გასვლა შეძლოს.

შსს-ში On.ge-ს საქმეზე უკვე დაიწყო გამოძიება სისხლის სამართლის კოდექსის 143 მუხლის მე-3 ნაწილით, რაც არასრულწლოვნის თავისუფლების უკანონო აღკვეთას გულისხმობს. დანაშაული ისჯება თავისუფლების აღკვეთით ვადით შვიდიდან ათ წლამდე, იარაღთან დაკავშირებული უფლებების შეზღუდვით ან უამისოდ.