ევროპარლამენტმა ევროკავშირიდან დიდი ბრიტანეთის გასვლის გეგმას მხარი დაუჭირა. ბრიტანეთი ევროკავშირს 31 იანვარს, გრინვიჩის დროით საღამოს 11 საათზე დატოვებს.

პროექტს მხარი 621 ევროპარლამენტარმა დაუჭირა მხარი, წინააღმდეგი 49 იყო. ისტორიულ კენჭისყრამდე ევროპარლამენტარებს ემოციური გამოსვლები ჰქონდათ.

BBC-ის ინფორმაციით, კენჭისყრის შემდეგ დიდი ბრიტანეთის გასვლა Auld Lang Syne-ის შესრულებით აღნიშნეს. რამდენიმე ბრიტანელმა დეპუტატმა კი განაცხადა, რომ იმედი გაქვთ, ქვეყანა ოდესმე ევროკავშირში დაბრუნდება.

"თქვენ ტოვებთ ევროკავშირს, მაგრამ ყოველთვის იქნებით ევროპის ნაწილი... ძალიან რთულია თქვა ნახვამდის. ამიტომ როგორც ბევრი ჩემი კოლეგა, ვიტყვი — arrivederci", — განაცხადა ევროპარლამენტის პრეზიდენტმა.

ბელგიელი ევროპარლამენტარმა, გაი ვერჰოფშტატმა, რომელიც ბრექსიტის საკითხების კოორდინატორია, განაცხადა, რომ "სამწუხაროა უყურო ქვეყნის წასვლას, რომელმაც ევროპის გათავისუფლებისთვის სისხლი ორჯერ დაღვარა". მან დაამატა, რომ ბრიტანელმა კოლეგებმა ევროპარლამენტში გონებამახვილობა, შარმი, ინტელექტი და სიჯიუტე შემოიტანეს და ისინი მათ დააკლდებათ.

ამავე დროს, ბრექსიტის მომხრე ბრიტანელმა დეპუტატმა, ნაიჯელ ფარაჯმა აღნიშნა, რომ ბრექსიტმა ევროპის გარშემო დებატები დაიწყოს. მისივე თქმით, მეგობრობა, თანამშრომლობა და ვაჭრობა ხალხებს შორის ყველანაირი ინსტიტუციების გარეშეც შეიძლება მიღწეულ იქნას.

დამშვიდობების ნიშნად კი მან და მისმა თანაპარტიელებმა დიდი ბრიტანეთის დროშები ააფრიალეს. თუმცა ევროპარლამენტის ვიცე-პრეზიდენტმა მოუწოდა მათ წესი არ დაერღვიათ და დროშები დაეშვათ.