2016 წლის იანვარიდან სექტემბერამდე, საქართველოში საქონლით საგარეო სავაჭრო ბრუნვამ 9,104 მილიარდი აშშ დოლარი შეადგინა, რაც წინა წლის შესაბამისი პერიოდის მაჩვენებელზე 24 პროცენტით მეტია.

საქსტატის მონაცემებით, წარმოდგენილი ბრუნვიდან ექსპორტი 1,512 მილიარდი აშშ დოლარი იყო (8 პროცენტით ნაკლები), ხოლო იმპორტი 7,592 მილიარდი აშშ დოლარი (34 პროცენტით მეტი).

სტატისტიკის დეპარტამენტის ცნობით, უარყოფითმა სავაჭრო ბალანსმა 2016 წლის იანვარ- სექტემბერში, 6,080 მილიარდი აშშ დოლარი და საგარეო სავაჭრო ბრუნვის 67 პროცენტი შეადგინა.

საქსტატის განმარტებით, იმპორტის ზრდა, განსახილველ პერიოდში C ჰეპატიტის მედიკამენტების შემოტანამ გამოიწვია, რომლის გარეშეც იმპორტი შეადგენს 5,194 მილიარდ აშშ დოლარს. იგი გასული წლის ანალოგიურ პერიოდთან შედარებით 3 პროცენტით ნაკლებია.

ფოტო: საქსტატი