შინაგან საქმეთა სამინისტროს ინფორმაციით, თერჯოლაში დააკავეს პირი, რომელმაც ტურისტს $2000 მოპარა. უწყების განცხადებით, ბრალდებულმა უცხო ქვეყნის მოქალაქეს ფული სწრაფი კვების ობიექტში ჩანთიდან მოპარა და იმავე ტერიტორიაზე, ჯიხურის უკან დამალა.

შსს-ში ამბობენ, რომ ის იმავე ტერიტორიაზე მომხდარიდან რამდენიმე წუთში დააკავეს და თანხა ნივთმტკიცებად ამოიღეს. საქმეზე გამოძიება სისხლის სამართლის კოდექსის 177-ე მუხლის მე-2 ნაწილის "ა" ქვეპუნქტით მიმდინარეობს, რაც ქურდობას გულისხმობს. ამ მუხლით გათვალისწინებული დანაშაული 3-დან 5 წლამდე ვადით თავისუფლების აღკვეთას ითვალისწინებს.