ქუთაისში ქალაქის საკრებულოს დეპუტატის, ნანა კოსტავას საწინააღმდეგო პლაკატები გააკრეს. კოსტავას დეპუტატის მანდატის დატოვების შესახებ საკრებულოსთვის ამ დრომდე არ მიუმართავს.

სტიკერზე კოსტავას მიერ სალომე ბარკერისა და მაია ასათიანის მისამართით დაწერილი პოსტებია ამობეჭდილი და მითითებულია, რომ საჯარო მოხელემ სიძულვილის ენის გამოყენებისგან თავი უნდა შეიკავოს.

ფოტო: გიზო ბანძელაძე

ნანა კოსტავამ 30 მაისს Facebook-ზე სოციალური მედიის მენეჯერის, სალომე ბარკერის ვიდეო გააზიარა წარწერით: "კაი დღეში ხარ ახლა, იცინე!" საკრებულოს წევრის მიერ ვიდეოს ამ აღწერით გაზიარება დროში ბარკერის დის გარდაცვალებას დაემთხვა.

მოგვიანებით კოსტავამ ბოდიში მოიხადა. მან ისევ გაიმეორა, რომ სალომე ბარკერის დის გარდაცვალების შესახებ არაფერი იცოდა. თუმცა On.ge-სთან საუბრისას ბარკერზე მან აღნიშნა, რომ "რაღაცნაირად ბოროტი ძალებისგან გადაუხადეს სამაგიერო".

ამ პოსტის შემდეგ კოსტავა ქართულმა ოცნებამ ფრაქციის თავმჯდომარეობიდან მოხსნა. ის გენდერული თანასწორობის საბჭოდანაც გარიცხეს. კოსტავამ თქვა, რომ საკრებულოს 3 ივნისს დატოვებდა, თუმცა სამში განაცხადა, რომ გადაიფიქრა.

ამავე თემაზე: