პალესტინის ოფიციალურმა პირებმა განაცხადეს, რომ ჰამასი და ისლამური ჯიჰადი ისრაელთან ცეცხლის შეწყვეტის შესახებ შეთანხმდნენ. Reuters-ის ინფორმაციით, შეთანხმება ეგვიპტის შუამავლობით იქნა მიღწეული.

ღაზას სექტორში პარასკევს, 3 მაისს დაწყებული ავიაიერიშებით ოთხი ისრაელელი, ხოლო სულ მცირე 20 პალესტინელი გარდაიცვალა. 2014 წლის შემდეგ ეს პირველი შემთხვევაა, როდესაც ღაზას სექტორში დაბომბვის შედეგად ისრაელის მშვიდობიანი მოსახლეობა დაიღუპა.

პრეზიდენტმა, დონალდ ტრამპმა განაცხადა, რომ აშშ ისრაელს მხარს უჭერს, რადგან თავის მოქალაქეებს ღაზა სექტორიდან პალესტინელების თავდასხმისგან იცავს.

პარასკევს პალესტინელმა მებრძოლეებმა ისრაელის მიმართულებით 600 რაკეტა გაუშვეს. მიუხედავად იმისა, რომ ისრაელი ამტკიცებს, რომ რაკეტები ისლამურმა ჯიჰადმა გაუშვა, პასუხისმგებლობა მაინც ჰამასს დააკისრა, რომელიც ღაზას სექტორს აკონტროლებს. როგორც ისრაელელი სამხედროები ამბობენ, საპასუხოდ მათ ჰამასის 260 ობიექტი დაბომბეს. ისრაელის თავდასხმის შედეგად ჰამასის მეთაური გარდაიცვალა.

როგორც ვარაუდობენ ახალი დაპირისპირების მიზეზი გახდა ის, რომ პარასკევს ისლამური ჯიჰადის სნაიპერებმა ორი ისრაელელი ჯარისკაცი დაჭრა.