BBC-ის ცნობით, ინდონეზიის დედაქალაქი ჯაკარტა აღარ იქნება. ქვეყნის პრეზიდენტის იოკო ვიდოდოს თქმით, დედაქალაქის შეცვლა "მნიშვნელოვანი გადაწყვეტილებაა".

რა იქნება ახალი დედაქალაქი ჯერჯერობით უცნობია, თუმცა ადგილობრივი მედია იუწყება, რომ ერთ-ერთ ვერსიად კუნძულ ბორნეოზე მდებარე ქალაქი პალანგკარაია განიხილება.

ჯაკარტა, რომელშიც 10 მილიონზე მეტი ადამიანი ცხოვრობს, ერთ-ერთი სწრაფადგანვითარებადი ქალაქია მსოფლიოში.

დედაქალაქის გადატანის იდეა ინდონეზიის დამოუკიდებლობის მოპოვების შემდეგ რამდენჯერმე გაჩნდა.

2016 წელს, კვლევამ აჩვენა, რომ მეგა-ქალაქს ყველაზე ცუდი სატრანსპორტო მდგომარეობა აქვს. მთავრობის წევრები პოლიციის ესკორტით გადაადგილდებოდნენ, რომ შეხვედრებზე არ დაეგვიანათ.

მთავრობამ შეიმუშავა მთავრობის დეცენტრალიზაციის პოლიტიკა, რომელიც მომდევნო 6 თვეში უნდა განხორციელდეს და შედეგად, მუნიციპალიტეტებს პოლიტიკური და ფინანსური ძალაუფლება უნდა მოუტანოს.