შს მინისტრისა და პანკისის ხეობის უხუცესებს შორის შეხვედრა დასრულდა. შეხვედრიდან გამოსულმა მინისტრმა განაცხადა, რომ ჰესი მაშინ აშენდება, როცა ამას ადგილობრივი მოსახლეობა გადაწყვეტს:

"[ჰესის] მშენებლები გააგრძელებენ თქვენთან ლაპარაკს. რაზეც შეთანხმდება ადგილობრივი მოსახლეობა, ის გადაწყუვეტილება იქნება მიღებული. ქვების სროლა გამოსავალი არ არის".

დღეს, 21 აპრილის დილას პანკისის ხეობაში, სოფელ ბირკიანში აქციის მონაწილეებსა და პოლიციას შორის დაპირისპირება მოხდა. სპეცრაზმმა აქციის მონაწილეების წინააღმდეგ ცრემლსადენი გაზი და რეზინის ტყვიები დილითაც გამოიყენა. ადგილობრივები ამბობენ, ჰესების, კერძოდ მდინარე ალაზანზე "ხადორი 3"-ის მშენებლობის გაგრძელების უფლებას არავის მისცემენ. მათი თქმით, მშენებლობის შემთვევაში, ხეობის უნიკალური ეკოლოგიური სისტემისა და სოციალური გარემოს დაზიანების მაღალ რისკებია.