აშშ-ს პრეზიდენტმა დონალდ ტრამპმა ვეტო დაადო კანონპროექტს, რომელსაც ქვეყნის სამხრეთ საზღვართან საგანგებო მდგომარეობის გაუქმება შეეძლო. ტრამპმა ვეტოს უფლება პირველად გამოიყენა.

სავარაუდოდ, 26 მარტს წარმომადგენლობითი პალატა, სადაც უმრავლესობაში დემოკრატები არიან, ვეტოს დაძლევას შეეცდებიან. ვეტოს დაძლევის შემთხვევაში, კანონპროექტს მხარი უნდა დაუჭიროს სენატმაც, სადაც უმრავლესობაში რესპუბლიკელები არიან.

პრეზიდენტმა სამხრეთ საზღვარზე საგანგებო მდგომარეობის გამოცხადების ბრძანებას ხელი 15 თებერვალს მოაწერა. საგანგებო მდგომარეობის გამოცხადებით მას საშუალება აქვს, მექსიკის კედლის ასაშენებლად დაფინანსება მიიღოს. კონგრესმენების ნაწილი მიიჩნევს, რომ დონალდ ტრამპი ბოროტად იყენებს საგანგებო მდგომარეობის გამოცხადების უფლებას. ამავე დროს, მათი აზრით, ის აკნინებს კონგრესის პრეროგატივას, რომელიც კონსტიტუციით ქვეყნის ხარჯებს აკონტროლებს.

კედლის დაფინანსების საკითხი გახდა ყველაზე ხანგრძლივი 35-დღიანი ე.წ. შათდაუნის მიზეზი. ტრამპი ითხოვს, რომ კედლის აშენებისთვის ბიუჯეტიდან ხუთი მილიარდზე მეტი გამოუყონ, რასაც დემოკრატები ეწინააღმდეგებიან.