ბრიტანული ტელევიზიის, ITV-ის საინფორმაციო გამოშვების წამყვანმა, შარლინ დენისმა საქართველო პირდაპირ ეთერში "რუსულ რესპუბლიკად" მოიხსენია. უფრო კონკრეტულად, წამყვანმა თქვა, რომ ინტერპოლით ძებნილი ჯეკ შეფერდი "საქართველოს რუსულ რესპუბლიკაში" იმალებოდა. გარდა ამისა, საინფორმაციო გამოშვების წამყვანმა ტელეკომპანია რუსთავი 2-ს, რომელმაც ჯეკ შეფერდისგან ექსკლუზიური ინტერვიუ აიღო, "სახელმწიფო ტელევიზია" უწოდა.

საქართველოს საგარეო საქმეთა სამინისტროში On.ge-ს განუცხადეს, რომ საელჩო ინფორმირებულია აღნიშნულთან დაკავშირებით და ინფორმაციის ეთერში გასვლისთანავე ITV-ს შეცდომის გამოსწორება სთხოვეს.

შარლინ დენის ვაითი ბრიტანელი ჟურნალისტია. ის ერთმანეთის პარალელურად ტელევიზიებში, ITN-სა და ITV-ში მუშაობს. შარლინ დენისი BBC-ის ყოფილი ჟურნალისტიცაა.