19 დეკემბერს, გვიან ღამით, თელავში, აღმაშენებლის ქუჩაზე სამი პირი დაჭრეს. ამის შესახებ ინფორმაცია On.ge-ს შინაგან საქმეთა სამინისტროში დაუდასტურეს.

უწყების ცნობით, დაჭრილების სიცოცხლეს საფრთხე არ ემუქრება და ისინი სამედიცინო დაწესებულებაში გადიან შესაბამის მკურნალობას.

ტელეკომპანია რუსთავი 2-ის ინფორმაციით, ინციდენტს წინ სიტყვიერი და ფიზიკური დაპირისპირება უძღოდა, რის შემდეგაც, სავარაუდო თავდამსხმელმა ავტომატიდან რამდენიმეჯერ გაისროლა. დაშავებულებს ჭრილობები ქვედა კიდურებზე აქვთ მიყენებული

გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.