საქართველოს შინაგან საქმეთა სამინისტროს ინფორმაციით, უწყებაში გამოძიება ორი წლისა და ცხრა თვის ბავშვის მიმართ ოჯახში შესაძლო ძალადობაზე დაიწყო. შსს-ს პრესსამსახურში ამბობენ, რომ შემთხვევა აფხაზეთში მოხდა, ბავშვი კი ზუგდიდის საავადმყოფოში გადაიყვანეს. ამ ეტაპზე არავინაა დაკავებული.

ტელეკომპანია რუსთავი 2-ის ინფორმაციით, სამწლამდე ბავშვს სახისა და კისრის არეში ნაკაწრები, სილურჯეები და შეშუპება აღენიშნებოდა. დაზიანებები კი, სავარაუდოდ, მამინაცვალმა მიაყენა.

საქმეზე გამოძიება სისხლის სამართლის კოდექსის 126-ე მუხლით დაიწყო. ამ მუხლით, პირს სისხლისსამართლებრივი პასუხისმგებლობა ძალადობისთვის ეკისრება.