საერთაშორისო საკონსულტაციო ფირმა Mercer-ის კვლევის მიხედვით, ჰონგ-კონგი ემიგრანტებისთვის და ტურისტებისთვის ყველაზე ძვირადღირებულ ქალაქად დასახელდა.

CNN-ის ინფორმაციით, ჩინეთის უდიდეს მეგაპოლისში ყავა $8 ღირს, ხოლო 1 ლიტრი რძე - $4.

მეორე ადგილზეა ანგოლის დედაქალაქი ლუანდა, მას შემდეგ მოდის ციურიხი, სინგაპური და ტოკიო.

"ჰონგ-კონგი ყველაზე ძვირიანი ქალაქია იქ ცხოვრების ფასების გამო. ამასთან ერთად აღსანიშნავია, რომ ჰონგ-კონგური დოლარი მყარად დგას აშშ დოლართან, რომლის მიმართაც სხვა ქვეყნების ვალუტებმა გაუფასურება დაიწყეს" - აღნიშნა კომპანიის წარმომადგენელმა.

საშუალო ხარისხის ჯინსის შარვალი ჰონგ-კონგში $128 ღირს, რაც 10 ქვეყნების ტოპ-ათეულში სიძვირით მესამე ადგილზეა.