ჰარი სტაილსი ეიფორიული მდგომარეობისკენ გიწვევთ — მისმა ბრენდმა ახალი სექს-სათამაშოების კოლექცია გამოუშვა და მომხმარებელს მესიჯიც გაუგზავნა.

მომღერლის ბრენდს, Pleasing-ს, რომელიც 2021 წლიდან სილამაზის პროდუქტებსა და ტანსაცმელს ყიდის, ახალი ქვებრენდი, Pleasing Yourself (ქართ. — ასიამოვნე საკუთარ თავს) დაემატა. ახალი პროდუქტები საკუთარი თავისთვის სიამოვნების მინიჭებას მიეძღვნება.

ბრენდის ახალი კოლექცია მოიცავს ალუბლისფერ, ორმხრივ ვიბრატორსა და სილიკონის ლუბრიკანტს, რომლებიც, ბრენდის თქმით, მაქსიმალურად კომფორტულ პროცესს უზრუნველყოფს. გარდა ამისა, გავრცელებული ინფორმაციით, ბრენდი თანამშრომლობას გეგმავს Planned Parenthood Federation of America-სთან სპეციალური პრეზერვატივების გამოშვების მიზნით.

Pleasing Yourself-ის ვიბრატორი

Pleasing Yourself-ის ვიბრატორი

ფოტო: Pleasing Yourself

Pleasing Yourself-ის ლუბრიკანტი

Pleasing Yourself-ის ლუბრიკანტი

ფოტო: Pleasing Yourself

68 დოლარად შეფასებული ვიბრატორი შექმნილია "მრავალფეროვანი სხეულების, სურვილებისა და ცნობისმოყვარეობის დასაკმაყოფილებლად" და განკუთვნილია როგორც შიდა, ასევე გარე სტიმულაციისათვის. პროდუქტი შექმნილია სექსუალურ თერაპევტთან, ზოი ლიგონისთან თანამშრომლობით, რომელმაც აღნიშნა, რომ განსაკუთრებით მოსწონს სათამაშოს "ძლიერი" ძრავები და ის ფაქტი, რომ "მისი კომპაქტური ზომა საშუალებას იძლევა მარტივად გამოიყენოთ პარტნიორთან ერთად ან სხვა სათამაშოებთან კომბინაციაში."

"გარდა ამისა, ის უბრალოდ უსაყვარლესია!" – დაამატა ლიგონიმ ვიბრატორზე საუბრისას.

"Pleasing Yourself ჩვენი რადიკალური ძიების შედეგია იმისა, რაც სასიამოვნოა. ორი ინტიმური ინსტრუმენტი – ორმხრივი ვიბრატორი და ლუბრიკანტი – სიამოვნების სამართავ ღვედებს თქვენს ხელებში მოაქცევს," — ვკითხულობთ ბრენდის ვებსაიტზე.