ბუნდესტაგმა ფრიდრიხ მერცის კანდიდატურა გერმანიის კანცლერის პოსტზე მეორე ცდაზე დაამტკიცა.

განმეორებითი კენჭისყრის დროს მერცს 325 დეპუტატმა მისცა ხმა, საჭირო მინიმუმი 316 იყო. წინააღმდეგი იყო 289 პარლამენტარი, ერთმა თავი შეიკავა, 3 ხმა ბათილად იქნა ცნობილი.

ცენტრისტულ-მემარჯვენე CDU/CSU-ს (ქრისტიან-დემოკრატიული კავშირი და ქრისტიან-სოციალური კავშირი) და ცენტრისტულ-მემარცხენე გერმანიის სოციალ-დემოკრატიული პარტიის (SPD) კოალიციაში სულ 328 პირია გაერთიანებული.

თავდაპირველად, გაზეთებმა Frankfurter Allgemeine-მ და Bild-მა გაავრცელეს ინფორმაცია, რომ სამშაბათს განმეორებითი კენჭისყრა არ ჩატარდებოდა, თუმცა შემდეგ CDU/CSU, SPD, მწვანეები და მემარცხენეები შეთანხმდნენ იმავე დღეს ახალი კენჭისყრის ჩატარებაზე.

გერმანიის კანცელის არჩევნების პირველი კენჭისყრაც დღეს, 6 მაისს გაიმართა, მაგრამ პირველ სცდაზე ფრიდრიხ მერცმა ხმების საჭირო რაოდენობა ვერ მიიღო, კანცლერად არჩევისთვის 6 ხმა დააკლდა.