განახლება: BBC-ის ინფორმაციით, აფეთქებამ ტერაქტის კვალიფიკაცია მიიღო.

დიდ ბრიტანეთში, ლონდონის მეტროში აფეთქება მოხდა, წერს BBC. თვითმხილველების თქმით, აფეთქება ადგილობრივი დროით 08:20 საათზე მატარებლის ვაგონში იყო. როგორც ადგილობრივი მედია იუწყება, არიან დაშავებულები.

სოციალურ ქსელში გავრცელებული ფოტოებიდან და ვიდეობიდან ჩანს, რომ ვაგონში სათლი იწვოდა.

ადგილზე მობილიზებულნი არიან სახანძრო და პოლიცია. სამართალდამცავებმა გამოძიება უკვე დაიწყეს.

ფოტო: Sylvain Pennec / PA