ოცნების არჩეული პრეზიდენტი მიხეილ ყაველაშვილი 28-29 აპრილს ოფიციალური ვიზიტით სომხეთში გაემგზავრება. ვიზიტთან დაკავშირებით თანხმობის მისაღებად შესაბამისი წინადადებით მან ირაკლი კობახიძეს მიმართა.

განკარგულებაში წერია, რომ სომხეთის რესპუბლიკაში ვიზიტის ფარგლებში დაგეგმილია მიხეილ ყაველაშვილის შეხვედრები სომხეთის პრეზიდენტთან, პრემიერმინისტრთან, ეროვნული ასამბლეის პრეზიდენტთან და პატრიარქთან.

"საქართველოს პრეზიდენტს მიეცეს თანხმობა საქართველოსა და სომხეთის რესპუბლიკას შორის თანამშრომლობის გასაღრმავებლად, სომხეთის რესპუბლიკის პრეზიდენტთან, პრემიერმინისტრთან, სომხეთის რესპუბლიკის ეროვნული ასამბლეის პრეზიდენტთან და უმაღლეს პატრიარქთან შეხვედრების გამართვის მიზნით, 2025 წლის 28-29 აპრილს სომხეთის რესპუბლიკაში ოფიციალურ ვიზიტთან დაკავშირებულ წერილით წარმოდგენილ წინადადებაზე", — წერია დოკუმენტში.