პრინცი უილიამი ბრიტანული გეი ჟურნალის ყდაზე იქნება, რითიც ბულინგის მსხვერპლ ლგბტ თემს სოლიდარობას და მხარდაჭერას გამოუცხადებს. ამის შესახებ CNN იუწყება.

ჟურნალი The Attitude დიდ ბრიტანეთში პოპულარული ჟურნალია, თუმცა მის გარეკანზე ბრიტანეთის სამეფო ოჯახის წარმომადგენელი პირველად ხვდება.

"არავინ უნდა გახდეს დაცინვის მსხვერპლი ჰომოსექსუალობის ან სხვა მიზეზის გამო" - უილიამის ეს სიტყვებია ჟურნალის ყდის მთავარი წარწერა.

ფოტო: The Attitude

კემბრიჯის ჰერცოგი ლგბტ თემის წარმომადგენლებს კენსინგტონის სასახლეში იწვევს, რათა მათი ისტორიები მოისმინოს, ამის შესახებ ჟურნალმა თავის განცხადებაში აღნიშნა.

ეთითუდის რედაქტორმა აღნიშნა, რომ ლგბტ ადამიანებს სხვადასხვა ფსიქოლოგიური პრობლემები აწუხებთ, რაც მათ თვითმკვლელობის, დეპრესიის, ნარკოდამოკიდებულებისა და კვების აშლილობებისკენ უბიძგებთ.

"ის ახალგაზრდა გეი, ლესბი და ტრანსგენდერი ადამიანები, რომლებსაც ამ ჟურნალის საშუალებით შევხვდი, ნამდვილად საკმაოდ მამაცები არიან იმისთვის რომ ისაუბრონ და საზოგადოების იმ ნაწილს, რომლებიც დაცინვის მსხვერპლნი ხდებიან, ცხოვრება შეუმსუბუქონ" -თქვა პრინცმა.

პრინც უილიამსს ჟურნალისთვის სურათები ფოტოგრაფმა ლეი კეილიმ გადაუღო. ჟურნალის ონლაინ ვერსია უკვე ხელმისაწვდომია, თუმცა ბეჭდური სახით ის გაყიდვაში 22 ივნისს დიდ ბრიტანეთში გამოვა.