ჩინეთის თავდაცვის სამინისტრომ 27 თებერვალს თაივანის დემოკრატიული პროგრესული პარტიის (DPP) მაღალჩინოსნებს მიმართა და განაცხადა, რომ, "ადრე თუ გვიან, მათთანაც მივლენ".

თავდაცვის სამინისტროს პრესსპიკერმა ვუ ციენმა განცხადება პრესკონფერენციაზე გააკეთა და აღნიშნა, რომ თაივანის მმართველი ძალა ცდილობს, აშშ-ის ძალის დახმარებით შეაჩეროს ჩინეთთან გაერთიანება, რაც, ციენის თქმით, მხოლოდ მის განადგურებას გამოიწვევს.

ვუს განცხადებით, თაივანის საკითხი ჩინეთის საშინაო საქმეა და მასში საგარეო ჩარევა მიუღებელია.

"დემოკრატიული პროგრესული პარტიის (DPP) მთავრობაში აქვთ ილუზიები "აშშ-ის დახმარებით დამოუკიდებლობის მოპოვებაზე" და "გამთლიანებასთან ძალით შეწინააღმდეგებაზე". ეს ვითარების, საზოგადოებრივი აზრისა და ძალთა ბალანსის ძალიან არასწორ შეფასებას წარმოადგენს. საკუთარი თავის გადაჭარბებული შეფასება უკიდურესად საშიშია. ჩვენ ვაფრთხილებთ DDP-ის მაღალჩინოსნებს, რომ ცოცხით ტალღის შეკავება მხოლოდ თვითგანადგურებით დასრულდება — ადრე თუ გვიან, ჩვენ თქვენთან მოვალთ", — განაცხადა ვუ ციენმა.