“ლონდონი რუსეთის წინააღმდეგ სანქციათა მასშტაბურ პაკეტს გამოაცხადებს 24 თებერვალს, მოსკოვის მხრიდან უკრაინაში სრული მასშტაბის შეჭრის მესამე წლისთავზე,” — ამბობს ბრიტანეთის საგარეო საქმეთა მინისტრი, დევიდ ლემი.

დევიდ ლემის თქმით, ეს იქნება ყველაზე მსხვილი პაკეტი ომის დაწყების ადრეული დღეებიდან. მინისტრამა ასევე დასძინა, რომ სანქციების მიზანი იქნება “მათი სამხედრო მანქანის დაუძლურება და იმ მოგების შემცირება, რომლებიც უკრაინის განადგურების ცეცხლს აძლიერებს”.

ლემიმ ასევე ისაუბრა ბრიტანეთის სამხედრო მხარდაჭერაზე კიევის მიმართ, რაც მოიცავს წელიწადში 3 მილიარდ გირვანქა სტერლინგს და ილაპარაკა საჭიროების შემთხვევაში ბრიტანეთის მშვიდობის დამცველი სამხედროების გაგზავნის მზაობაზე.

“ბრძოლის ველის მიღმა, ვიმუშავებთ ამერიკელ და ევროპელ პარტნიორებთან, მდგრადი, სამართლიანი მშვიდობის მისაღწევად და ამ პროცესში შევინარჩუნებთ მკაფიო პოზიციას, რომ უკრაინის შესახებ ვერაფერი მოხდება უკრაინის გარეშე,”— განაცხადა ბრიტანეთის საგარეო საქმეთა მინისტრი, დევიდ ლემიმ.

24 თებერვალს ევროკავშირის ქვეყნები სანქციათა ახალ პაკეტებს ოფიციალუარ დაამტკიცებენ. სანქციები მოიცავს რუსეთის ალუმინის იმპორტის აკრძალვას.

შეგახსენებთ, დიდი ბრიტანეთის პრემიერმინისტრი, კირ სტარმერი, ცეცხლის შეწყვეტის უზრუნველსაყოფად, დონალდ ტრამპს 30 000 ევროპელი ჯარისკაცის უკრაინაში გაგზავნის გეგმას წარუდგენს.

ასევე იხილეთ:

27 თებერვალს ბრიტანეთის პრემიერმინისტრი და აშშ-ს პრეზიდენტი, ვაშინგტონში შეხვდებიან, სადაც ის ტრამპს ამ გეგმას გააცნობს და მოუწოდებს, რომ აშშ-ს აღმოსავლეთ ევროპაში განლაგებული ჰქონდეს მოიერიშე თვითმფრინავები და რაკეტები, რათა რუსეთის მიერ ზავის პირობის დარღვევის შემთხვევაში, რუსეთის პასუხი შეძლოს.

The Telegraph-ის თქმით, სტრატეგიის შედგენის მიზეზი იყო შიში, რომ აშშ-ის პრეზიდენტი უკრაინასთან დაკავშირებული ვალდებულებებისგან "ხელებს დაიბანდა".

"ეს კრიტიკული მნიშვნელობის მომენტის უკრაინის, ბრიტანეთის და მთელი ევროპის ისტორიაში... ახლაა დრო ევროპამ გააორმაგოს ჩვენი მხარდაჭერა უკრაინისთვის" — ამბობს დევიდ ლემი.

ომის დაწყების შემდეგ ლონდონს უკვე დაწესებული აქვს სანქციები 1900 პირზე და უწყებაზე, რომლებსაც პუტინის მთავრობასთან აქვთ კავშირები.