გაერთიანებული სამეფოს ყოფილი პრემიერმინისტრი, ბორის ჯონსონი Daily Mail-ისთვის დაწერილ სტატიაში რუსეთ-უკრაინის ომის ირგვლივ მიმდინარე პოლიტიკურ დებატებზე საუბრობს და აცხადებს, რომ პუტინს უკრაინასთან ომი NATO-სგან მომდინარე საფრთხის გამო არ დაუწყია, არამედ ფიქრობდა, რომ სწრაფი ომით საკუთარი პოლიტიკური მდგომარეობის გამოსწორება შეეძლო.

ჯონსონი პასუხობს აშშ-ის პრეზიდენტ დონალდ ტრამპსაც და ამბობს, რომ ვოლოდიმირ ზელენსკი არათუ დიქტატორი, არამედ დემოკრატია, რომელიც თავის ქვეყანას აგრესორის წინააღმდეგ მამაცად იცავს.

"პუტინს ომი იმიტომ არ დაუწყია, რომ NATO-ზე ღელავდა — ეს წმინდად კრემლის პროპაგანდაა — არამედ, იმიტომ, რომ დაუნდობელი ოპორტუნისტია, რომელიც ორი ათწლეულია ძალაუფლებაშია და სჯეროდა, რომ შეეძლო, პოლიტიკური იღბალი გამოესწორებინა მოკლე, მწვავე ომით რუსეთის იმპერიის აღსადგენად.

მას ეგონა, რომ უკრაინელები მალევე დანებდებოდნენ და დასავლეთი უსიტყვოდ დამორჩილდებოდა, როგორც ეს 2014 წელს ყირიმის ანექსიის დროს გავაკეთეთ.

ის, როგორც უკრაინის შესახებ ყველა სხვა სკეპტიკოსი, შეცდა და არასწორი გამოდგა. როგორც გამოჩნდა, ისინი, ჯონ სტიუარტ მილის ფრაზისამებრ, საკუთარი თავისუფლების მოყვარენი არიან, და ყველასთვის ნათელია, რომ ვოლოდიმირ ზელენსკი არ არის დიქტატორი, არამედ დემოკრატია, რომელიც თავის ქვეყანას აგრესორის წინააღმდეგ მამაცად იცავს.

ის ჟურნალისტებს არ ხვრეტს, თავის ოპონენტებს არ წამლავს და მათ გულაგებში არ აგზავნის. ამას პუტინი აკეთებს". - წერს ჯონსონი.